ادخل ومش هتندم نكت جامدة

عيل غيلس كل شوية عاوز يعمل بي بي فيروح لمامته ماما ماما عاوزة اعمل بيبي فتوديه التواليت اخر مرة قلتله بص يا حبيبي ماينفعش كل شوية عاوز اعمل بيبي ادام الناس كدة دي عاشر مرة بتحرجني قالها طب اعمل ايه مانا مش ببقى قادر قالتله احنا نتفق على سيم بينا لما تعوز تعمل بيبي تقولي عاوز اصفر بعد يوميتن راح الواد يبات عند جدته قام ...من النوم بليل تيتا تيتا صحاها من النوم عاوز ايه يا حبيبي انا عاوز اصفر قالتله ماينفعش يا حبيبي تصفر احنا بليل متاخر والناس نايمة قالها ماليش دعوة انا لازم اصفر دلوقتي حالا ماليش دعوة قالها خلاص يا حبيبي صفر في وداني بس بشويش

واحد ادا للريس سلحفاة هدية وقال له: السلحفاة ديه بتعيش 400 سنة


قاله الريس: حنشوف..(ومتفهمونيش غلط)

ليه القطر بيقف فى المحطة؟


علشان مابيعرفش يقعد
ليه مشى من المحطة ؟

زهق من الوقفة

ليه الثلاجة غبية؟؟؟؟ علشان بتحفظ الاكل مابتفهموش



الراجل اللى بيطلع النكت اللى على الصعايدة راح الكعبة فبيدعى بيقول استغفر الله العظيم انا مش هعمل نكت تانى على الصعايدة فجالو واحد صعيدى فى الكعبة قالو يا بلدينا هى القبلة منين الراجل راح باصص للكعبة قلول شاهد يا رب بيستفزونى


واحد بيحلق دقنه التليفون رن ، عور نفسه عشان لما يرجع يعرف هو وقف لحد فين

جماعة محششين قاعدين في خيمة كانوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال يا شباب ألاقى عندكم كبريت قالوله استريح لسه باعتين واحد أول ما يرجع هانديلك

واحد بلديتنادخل على واحدصحبه لقاه بيلعب دومينو مع الحمار قاله ياراجل بتلعب دومينو مع الحمار قاله الحمار الى مش عجبكده غالبنى عشرين دور

البوليس عمل كبسة على شوية شمامين و لفت نظره ان فيهم عيل صغير قوي واخد ركن
لواحده وعمال يسحب , فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا باشا

واحد مسطول روح البيت قطع دماغ اخوة و قال هيجنن لما يصحى ميلقيهاش

زبون يدخل كل يوم نفس المطعم فالجرسون يسأله
عاوز تاكل إيه.. فيأخذ فوطة الجرسون ويشمها ويقول له انتوا عندكم النهاردة سمك فيليه + أرز + صلاطة وهكذا كل يوم فالجرسون اتجنن فأعطى لمراته الفوطة وقال لها استحمى بيها وأديها لى وبعد كده الزبون دخل المطعم واخذ الفوطة زى كل يوم وشمها وبص للجرسون وقاله انت جوز فتحية

راجل و مراته ساكنين جنب شريط سكة حديد فكل لما القطار يعدى يوقع لهم الدولاب فالزوجه زهقت فجابت نجار طلبت منهيصلح الدولاب النجار اختبر الدولاب قال لها ده سليم
قالت له خش جواه و لما القطر يعدى حتعرف العيب فين فسمع كلامها و دخل،
بعد شويه جوزها وصل من الشغل فتح الدولاب فوجئ بالنجار
فقاله انت بتعمل ايه هنا؟
رد عليه لو حلفتلك ميت يمين حتصدق انى مستنى القطر؟

لو واحد مات ايه الى يحصل؟


هنبدأ العد من اتنين

واحد باشا دار عليه الزمن وافتقر حب يشتغل, إشتغل بياع فجل وجرجير
طول النهار واقف فى السوق ولابس طربوش وبينادي: فجل يا حوش .. جرجير يا كلاب

غبى فى يوم فرحه بعد المعازيم مشيو دخل الشقة لقى العروسة قاعدة قالها كنت متأكد انهم فى الهيصة دى هينسو حد

مره كان في قط بيجري وراء قطه اعد يجري وراها لحد ما خبطتها عربيه قال لها احسن ابقي خالي الشرف ينفعك

في ياباني فات على كشك بشبرا عايز يشتري عشر علب كولا وقال للبياع كوميهاني سيبه كولا قام رد البياع عايز عشر علب ايييييييييه

مرة واحد مسطول ماشي قدام مزرعه لقى مكتوب عليها من بره ((مزرعة عجول)) دخل للبواب وقاله "يا عم انت بتزرعوا العجول ازااااي ؟" البواب شافه مسطول قال اراضيه بكلمه علشان يمشي قاله "احنا بنرمي السكر على الارض وتاني يوم بتطلع العجول." روح المسطول البيت ورمى سكر على الارض تاني يوم لقى النمل كتييييييير على الارض قلهم "يا حلاوة العجول وهي صغيرة

كان في واحد شكله وحش قوي قوي قوي عايز يتجوزفراح واتقدم لواحده, فابيقول لأبوها :انا يا عمي بلا فخر عملت نفسي بنفسي
قاله: ما انا برضه بقول استحاله تكون خلقه ربنا

واحد صعيدى عينوه مدير ملجأ أيتام اول قرار اخده اجتماع لأولياء الامور

واحد محشش راح يخطب واحده ..
ابوها قاله:" انا عليا الشقة.."
رد عليه وقاله :" وانا عليا البنات والبيره

ضابط المرور بيحقق فى حادث... سأل الاول .. فرد .. يا بية انا اديتة كلاكس .. واديتة انوار وصرخت فية علشان يبعد ومفيش فايده.. سأل التانى ... فرد ... يابية انا اعمل اية ، انا قاعد فى الكشك بتاعى

مره واحد أسكندرانى ماشى على البحر لقى جماعة صعايده بيهتفوا ،هريدى يابطل-- هريدى يا بطل، ولما سأل عن السبب أجابوا: أحسن واحد عندكم يقدر يغطس قد أيه، فقالهم: حوالى ثلاث دقائق، فقالوا هريدى غطس من ثلاث أيام و لسه مطلعش

مرة واحد غبى اوى الدكاتره قالو له رجلك فيها مشكلة كبيرة و لازم تتقطع الراجل جاب ساطور و مد رجله و طخ قطعها كده من غير تخدير ولا حاجة الدكاتره شافوا المنظر قعدوا يصقفوا جامد الراجل فرح بيهم اوى فمد رجله التانيه و قطعها

مرة اتنيين مساطيل راكبين عربيه فواحد بيقول للتاني "حاسب قدامك شجره" فمردش عليه راح مزعق شويه وقال "حااااسب قداااامك شجرة" برضه مردش عليه طراااااخ خبطوا في الشجره فقال الاول "مش قلتلك قدامك شجره" رد عليه وقاله "اعملك ايه مش انت الي سايق

مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح التانى مسكها وبص فيها وقاله إيه يا عم انت مسطول ده انا

صعيدى سرق مليون جنيه وحطهم فى حفره وكتب عليها "مفيش فلوس هنا" راح حمدان ابن عمه خد الفلوس وكتب على الحفره "حمدان مخدش حاجه

افريقى وابنه بياكلوا لحوم البشر اصطادوا هيفاء وهبى ....الولد قال لابوه نوديها البيت ونأكلها ......ابوه قاله نوديها وناكل امك.....

بيقولك مره واحد غبى بيدهن الحيطه قالوا له حط الجرنال تحت رجلك ....قالهم ان كده طايل

عريس فرفور مراته بتولد وبتصرخ.........وقف يعيط ويقول انا السبب ......انا السبب

مره واحد صعيدى بيطلع فى الروح ف اهله بيقولوله انطق الشهاده .......رفع دماغه وقالهم دبلوم صنايع

وحدة تمشي في جنازة زوجها وتبكي: ماتسبنيش ياجوزي أنا مش ممكن أعيش من غيرك!مشى وراها واحد وقال: لو أعرف عنوانك أنسيك جوزك!قالت: آه ياجوزي ياللي سيبتني في الجيزة شارع المطاعم عمارة 8 شقة 11

الفلاحين اتجمعو ف يوم و كانو زعلانين , قالو مش حينفع كل النكت تتكتب ع الصعايدة احنا لازم نعمل حاجة أشد م الصعايدة عشان الناس تكتب علينا نكت , فأخدو بعضهم و راحو الصحرا و طلعو السنارة و عملو نفسهم بيصطادو , لقو الصعايدة جايين بيأدفو

احلى شعر من واحد لخطيبته

عايز غلاوتك في قلبي تزيد
عايز افتكرك وانتا بعيد
اطلبي 868 وحوليلي رصيد

واحده وحشه اووووووووي داخله الحمام وهي داخله بتقول اعوذ بك من الخبث والخبائث ..رد عليها الشيطان قالها من غير ماتقولي انا كده كده طالع

واحد راح يشترى مع مراته جزمة، دخل وقال لصاحب المحل عاوز جزمه من غير كعب وخفيفه شويه ورخيصه؟ صاحب المحل قال ماشى وجاب الجزمه فقالت مراته: دي ماتنفعش انا عايزه بكعب... قال لا من غير كعب....، ودبت خناقه صاحب المحل تعجب منھم فقال للزوج:ماتاخدها بكعب هو انت الى حتلبسها ؟ رد الزوج: لا هو انت اللي حتنضرب فيها؟

بخيل جاله ضيوف قال لمراته بفكر أدبح البغبغان ونعمل شوربه وفته
ونشوى الضلوع ع الفحم
والجناح نعمله هوايه
ونعمل لحمة راس من المخ
ونقلى الكبده والقوانص

رد البغبغان : واحلبنى بالمرة عشان تعمل رز بلبن

بخيل اشتري جزمة جديدة طول ما هو ماشى شايلها في ايده وهو ماشى دخل فى رجله مسمار قال كان هيجى فيكى يا غالية

هههههههههههههههههههههههههههه


الله على الموضووووووووووووووووووع الخطير روعة